NIJS   07-03-2017

Cees van Mourik kandidaat-foarsitter FNP

Fan it Haadbestjoer                                   

Ljouwert, 2 maart 2017                                      

Meidieling oan de leden fan de FNP

Kandidaat foarsitter FNP:  Cees van Mourik fan De Gaastmar

Lykas bekend is foarsitter Ultsje Hosper yn de algemiene ledegearkomste op freed 19 maaie 2017 ôftredend. Hy hat it haadbestjoer tidich witte litten net foar in twadde termyn yn de beneaming komme te wollen.

Dêrop hat it haadbestjoer in foarsitterskommisje yn it libben roppen, besteande út Pytsje de Graaf, Hindrik ten Hoeve en Jehannes Elzinga. De foarsitterskommisje hat de hear Cees van Mourik fan De Gaastmar as kandidaat oan it haadbestjoer foardroegen.

Nei petearen fan Cees van Mourik mei it haadbestjoer, mei polityk lieder Corlienke de Jong, deputearre Johannes Kramer en mei foarsitter Ultsje Hosper, hat it haadbestjoer besletten de hear Cees van Mourik as kandidaat fan it haadbestjoer, as nije foarsitter op de algemiene ledegearkomste fan 19 maaie 2017  foar te dragen. Fansels kinne de leden neffens de karbrief fan de FNP mei tsjinkandidaten komme. Dy mooglikheid sil oanjûn wurde yn de útnûging foar de algemiene ledegearkomste fan 19 maaie 2017 , yn de Frijbûtser fan april 2017.

Mei freonlike groetnis,

Jehannes Elzinga, skriuwer

MEAR OER DIT ÛNDERWERP

05-06-2023 - FNP-Steatefraksje siket betûfte beliedsmeiwurker

12-01-2023 - De FNP yn trije minuten

19-11-2022 - Jan Arendz nije foarsitter FNP Fryslân