Wat makket
de pleats jimme thús?
Oan de
râne fan de Lionserpolder stiet in pleats dy't ferskate generaasjes yn besit is
fan de Stremlers. Yn 2009 goaiden Auke en syn frou it roer om en stapten se fan
‘gewoan buorkjen' oer op biologysk buorkjen mei Grinzer blierkoppen. In perioade folge, wêryn in soad op harren ôf
kaam. Troch goed gear te wurkjen mei ferskate partijen is de omslach in sukses
wurden. Sûnt 2017 binne se sertifisearre biologysk.
Yn de
takomst hopet Auke dat se harren libbenswurk oerdrage meie oan harren soan,
dy't oan de hegere lânbouskoalle ôfstudearre is: biologysk buorkjen. De
lokaasje fan harren pleats, frij, midden yn de natuer en wat achterôf makket
dat de pleats harren thús is.
Wat soe
der de kommende fiif jier barre moatte?
"Der is op
it stuit in protte ûndúdlikens foar de agraryske sektor. Dit moat feroarje. Der
moatte dúdlike en goede regels komme. Regels der‘t de sektor mei foarút kin. Derneist
is it foar de jongerein dreech om oan in wenning te kommen. Der soene huzen
foar starters komme moatte, sa dat ek sy yn Fryslân wenje kinne."
Hast in
oprop oan de polityk?
"Soargje
dat de agraryske sektor bestean bliuwe kin."
Gerben van der Mei, Nynke-Hinke Rintjema, Tryntsje Albada
Frysk 
Nederlands
English
