Fraksjefoarsitter Gerda de Vries jout FNP-wethâlder Chris fan Hes en syn amtners in komplimint by de skôgingen yn de ried fan 31 jannewaris 2024. DFM stiet yn de top 3 fan it tal boude wenten yn Fryslân yn 2023.
“Foarsitter, dit húske (sjoch foto), sels boud, jim herinnerje jim dat miskien noch fan foarich jier. Doe ha ik de boustiennen op de grûn smiten by myn pleit om no echt wurk te meitsjen fan goedkeape hier en keap foar ús jongerein en foar ús âlderein lytsere wenten en de saneamde Knarrenhoven.”
Sa begjint Gerda har ferhaal. Mar dat pleit hoecht dit jier net wer hâlden te wurden. Want yn 2023 is in soad wurk makke fan de huzebou.
Petsje ôf foar de wentebou yn 2023
Nei it neamen fan wol 30 projekten dy’t hast klear binne of dêr’t mei begûn wurde kin jout Gerda in komplimint oan de portefúljehâlder en de amtners. “Dat giet de goede kant op! Fan ‘e moarn stie yn de Ljouwerter Krante dat De Fryske Marren yn de top 3 stiet fan it tal boude wenten yn Fryslân yn 2023.
Mar salang’t der noch ferlet is fan wenten, sille wy as FNP altyd de finger oan de pols hâlde en dan sil ik ek elke kear noch myn húske meinimme. Tagelyk sille we ek kritysk sjen nei de Húsfestings- en Urginsjeferoardening“.
Romte, eveneminten, it Frysk
Dêrnei giet Gerda koart en krêftich yn op de oare ûnderwerpen dy’t de FNP nei oan it hart lizze.. Understeande punten binne ta beslút oan it kolleezje meijûn:
De FNP jout in tip foar it Frysk Taalbelied: Is it net in goeie kâns om de bewizering fan it nije gemeentehûs yn it Frysk te dwaan? It moat der dochs op ‘e nij komme, dus it kostet neat.
Hjirûnder kinne je de hiele ynbring fan Gerda de Vries by de skôgingen op 29 jannewaris lêze.
De FNP-bydrage by de skôgings
