1 Harm de Jong
De Tynje
Myn leeftiid is 39 jier, bin opgroeid yn De Tynje en wenje hjir no wer. Yn it deistich libben bin ik dosint skiednis en maatskippijlear op De Jouwer.
Ik set my yn foar ferskate ferieningen yn De Tynje, om in ‘libben doarp’ te hâlden. Dy ferantwurdlikheid hawwe neffens my alle ynwenners. Ik stean it leafst ‘midden yn it fjild’ yn stee fan oan’e kant.Frijwilligers binne it semint dêr’t je op bouwe kinne. Sa bin ik aktyf by de karnavalsferiening, it Tynster skûtsje en de fuotbalferiening.
2 Mirjam Bergsma
Lippenhuzen
Mirjam Bergsma (30 jier, Lippenhuzen) is de nûmer 2 fan ús list. Sy is dosint op in praktykskoalle yn it fuortset ûnderwiis yn Snits.
“Foar my is de FNP de partij dy’t it ferskil makket, mei realistyske plannen foar in werkenber Fryslân foar no en de takomst.”
3 Hans Hofstee
De Tynje
Hans 48 is hikke en tein yn Gersleat, mar wennet al goed 20 jier yn De Tynje. Hy is foarman yn de metaalyndustry en tige warber yn it ferieningslibben. Sa hat hy jierren dwaande west mei de ferneamde Karavanfeesten en is hy ien fan de oanjagers efter Skûtsje Swarte Wief, it skûtsje fan De Tynje.
Ik wol my graach ynsette foar de kommende generaasjes. Want sy fertsjinje it om Fryslân sa te belibjen sa’t ik dat yn it ferline dien haw. Dêr heard foar elkenien in earlike kâns op in fatsoenlike wente by, yn eigen doarp.
4 Sjoerdtsje Veenstra-Paulusma
Oerterp
Myn leeftiid is 74 jier en wy wenje 24 jier yn Oerterp. Neffens my moatte yn twatalich Fryslân alle ynwenners beide talen behearskje. Yn Opsterlân ferstiet goed 90 prosint it Frysk, mar it lêzen hat der wol oan.
Dat moat fansels oars; dêrom bin ik in grut foarstanner fan meartalich ûnderwiis. Op trijetalige skoallen krije de learlingen ôfwikseljend les yn Nederlânsk, Frysk en Ingelsk. Ut ûndersyk docht boppedat bliken dat se by toetsen boppe it lanlik gemiddelde skoare.
5 Ultsje Hosper
Oerterp
Myn leeftiid is 75 jier en wy wenje 50jier yn Oerterp. As biolooch is myn grutste soarch, in leefbere wrâld foar ús bern efter te litten. Dêrom moatte wy duorsum mei ús libbensomjouwing omgean.
De biodiversiteit giet slim efterút, ek yn ús omjouwing. Neffens my moat de gemeente it goede foarbyld jaan en ús iepenbier grien ekologysk beheare. Dêrom gjin bestridingsmiddels brûke en alle berms jierliks twa kear meane en it gewaaks ôffiere. Sa ûntsteane blomrike berms mei in protte flinters.
6 Martin Boomsma
Bakkefean
7 Jacob de Vries
Bakkefean
Kultuer ferbynt de doarpen.
Ik bin 50 jier en wenje sûnt 2003 yn it moaie Bakkefean. Dêrfoar haw ik 34 jier yn Drachten wenne en bin berne yn Driesum. Ik wurkje by in Mechanisaasje Bedriuw yn Bakkefean. Dêrfoar haw ik ferskate funksjes hân yn twa hoarekagruthannels en haw ik dwaande west yn ‘e katering.
Ik bin troud en wy hawwe gjin bern. Yn 2009 hat Evert Wilstra my frege oft ik ek wat dwaan woe foar de FNP. Hy wist dat ik my graach ynset foar de Fryske taal en kultuer.
No is myn grutste hobby toaniel en alles wat dêr omhinne hinget. Net allinnich it spyljen mei ik graach dwaan. Ek as karmaster gean ik nei ferskate ferienings ta om it spyljen rûnom yn ‘e provinsje te stimulearjen en sadwaande op in heger nivo te bringen.
No wol it gefal dat de FNP it folgjende yn harren program stean hat:
In bloeiende keunst- en kultuersektor leveret in bydrage oan woltier en wolwêzen. It is dêrom fan belang dat omtinken jûn wurdt oan kulturele inisjativen. Om it (passyf en aktyf) meidwaan oan kreative projekten te befoarderjen, is in breed en leechdrompelich oanbod foar skoallen, ferienings en partikulieren in betingst.
It is fansels sa dúdlik as wat, dat ûnder oaren toaniel in goeie bydrage leverje kin (en sil) oan de mienskip yn it algemien en dêr wol ik op myn manier graach oan mei helpe.
8 Joeri Arndt
Lippenhuzen
9 Henry de Jong
De Himrik
10 Gauke Dam
Terwispel
Gauke is 56 jier en hat syn eigen ûndernimming, DAM Groenadvies, en advisearret oer natoer- en lânskipsprojekten. Ek is hy ien fan de inisjatyfnimmers dy’t mei de Stichting Moai Wenplak Terwispel besiket nije hûzen foar de jongerein yn it doarp te bouwen.
Wêrom is de FNP syn partij?
“Ik gean foar de FNP omdat dizze partij as gjin oar oanfielt wat der yn de Fryske mienskip libbet en spilet. De FNP stiet tusken de minsken. It is in partij fan trochpakkers ynstee fan praters.
11 Lybrich Kramer
Nij Beets
12 Fimke de Boer-Jongedijk
Oerterp
13 Ed Knotter
Beetstersweach
14 Andrys Bakker
Bakkefean
15 Anne Kuperus
Nij Beets
16 Jan Nauta
De Gordyk
17 Renskje van der Meulen-Meijer
Wynjewâld
18 Johannes Groen
Beetstersweach
19 Wiebe Veenstra
Oerterp
20 Durk Feenstra
Nij Beets
21 Sus Wassenaar
Beetstersweach
22 Andries Visser
Beetstersweach
23 Reitze Jonkman
De Gordyk
24 Renny Hosper-Tjepkema
Oerterp