'Wat in passy en talint yn ús Provinsje !'
De JDOF ûntfangt jierliks in bydrage fan de Provinsje fan 40.000 Euro. It measte fan dit jild giet op oan personielskosten, en hja moatte it alle jierren wer ferantwurdzje kinne en opnij oanfreegje. Molenbuur:”Lily en ik steane foar 5 oeren op papier mar wy binne hjir fansels folle mear”.
De JDOF is een profesjonele dûnsopleiding foar jong talint út Fryslân fan 12 oantemei sa’n 18 jier âld. De studinten dûnsje neist harren deistige skoalle 9 oeren yn de wike. Dêrby jout de groep ek foarstellingen; yn juny sille sy de foarstelling “News” yn de Harmonie fan Ljouwert sjen litte. Fan út de JDOF kinne studinten trochstreame nei in berops dûnsopleiding of kinne se studearje om dosint dûns te wurden. It nivo by JDOF is heech, der wurdt in soad ynset en talint fan de famkes en in pear jonges frege.
De FNP Steatefraksje fûn it in nijsgjirrige wurkbesite, de dûns yn Fryslân is in keunstfoarm dy’t net bot yn de “picture” stiet en dat soe oars moatte.
Frysk 
Nederlands
English
