De FNP merkbyt dat der fraachtekens libje oer alle feroaringen by skriuwers, dichters, útjouwers en oaren dy't belutsen binne by de Fryske literatuer. Neffens wurdfierder Corlienke de Jong liket alles stil te wêzen nei de ‘hookstrookse oerdracht' fan de boekpromoasje fan Tresoar nei de Afûk.
De Jong: ‘Der hearsket grutte ûndúdlikens oer de takomst fan it Fryske boekefeest. Dat waard oars altyd yn septimber holden. Deselde fraachtekens binne der oer Swalk / de moanne fan it Fryske boek. Wy tinke dat it goed wêze soe as der in dúdlik brief komt fan de deputearre oer dizze ûnderwerpen. Leit it belied noch op koers, wêr kinne de minsken op rekkenje?'
Frysk 
Nederlands
English
