|
|
|
FNP amendemint krijt wol stipe fan PvdA
De FNP wol dat earst de besteande dakken op stâlen, bedriuweterreinen en oerheidsgebouwen foar sinnepanielen brûkt wurde. Allinnich as it doel dêr net mei helle wurdt, meie der 'sinnegreiden' op de grûn boud wurde. Om foar te kommen dat der no rûnom yn de provinsje in wyldgroei fan losse sinneparken ûntstiet, is it nedich om regels te stellen om it iepen lânskip te beskermjen. De FNP woe yn de provinsjale feroardering regelje dat de omwenjenden meiprate kinne oer de ynklaaiing fan nije sinneparken yn it lânskip. Deputearre Hans Konst woe dêr lykwols neat fan witte. It amendemint dat de FNP yntsjinne waard lykwols al stipe troch de PvdA, mar ek troch D66, Grienlinks en de fraksje Buisman. Hat de deputearre neat leard fan de diskusjes oer de megastâlen en de wynmûnen?
Auke Bijlsma, FNP wurdfierder Enerzjy Reaksje? Mail auke.bylsmafnp.frl |
FNP wol gjin nije gasboarrings mear yn Fryslân
|
|
|
De Steaten hawwe nochris befêstige wat yn de jannewarisgearkomste al útsprutsen wie yn in moasje. Gjin nije gasboarrings mear yn Fryslân. Net op de fêste wâl sa as yn Noardwest-Fryslân, net op de eilannen en net op see by dyselde eilannen. De FNP hat fan oprjochting yn 1962 ôf al kritysk west op de gaswinning. No't it rapport oer de feiligens mei de ierdbevings yn Grinslân der leit, kinne wy stelle dat ek de ynwenners fan Fryslân altyd op tuk hâlden binne mei de gaswinning. Wylst de boaiemdelgong hjir like hurd giet en der ûnomkearbere skea oan lân, wetterhúshâlding en huzen en gebouwen ûntstiet.
Anna Martha van der Mei, FNP wurdfierder Mynbousaken Reaksje? Mail annamartha.van.der.meifnp.frl |
Breedbân ynternet: gjin burokratyske drompels foar lokale projekten
|
|
|
De FNP yn Provinsjale Steaten wol dat de Provinsje fleksibel omgiet mei lokale inisjativen foar breedbân ynternet. Projekten lykas yn Wytgaard en Reduzum rinne no al tsjin burokratyske drompels oan. De FNP hat yn de Steategearkomste fragen steld oer de kwestje.
Lês hjir mear oer dit ûnderwerp
Sybren Posthumus, FNP wurdfierder Ekonomy Reaksje? Mail sybren.posthumusfnp.frl |
Weardefolle beammen by stasjon Ljouwert behâlde
 |
Sympaty wie der ek foar de fraach fan de FNP yn de Steaten en yn de gemeenteried om de weardefolle beammen by it stasjon fan Ljouwert te behâlden. It stasjonsgebiet sil foar miljoenen oer de kop helle wurde. Doel is om úteinlik in folle moaiere entree foar reizigers en gasten yn de haadstêd fan Fryslân te krijen. Dêr heart neffens de FNP ek de 'griene loper' mei beammen fan it stasjon nei de binnenstêd by. De provinsje stekt € 6,5 miljoen yn it projekt. De deputearre hat tasein al it mooglike te dwaan om yn gearwurking mei de gemeente de besteande monumintale beammen te behâlden.
|
FNP stipet inisjatyf Fryske Frijwilligersdei
|
|
|
De FNP hat altyd in soad wurdearring hân foar de frijwilligers dy't yn ús provinsje de mienskip draaiende hâlde. Yn ferienings, mantelsoarch, op skoallen, pjutteboartersplakken en by kulturele en sportive eveneminten. Om dy reden hat de FNP ynstimd mei in moasje fan steatelid Dorrepaal foar in Fryske Frijwilligersdei.
Annigje Toering, FNP wurdfierder Sosjaal Belied en Soarch Reaksje? Mail annigje.toeringfnp.frl |
Frysk 
Nederlands
English
