Ear't in bedriuw mei sânwinning begjinne kin, moat de gemeenteried in fergunning ferliene en de provinsje moat in saneamde ferklearring fan gjin betinkings ôfjaan, wêryn't neigien wurdt oft der oan de easken út de Wet natuerbeskerming foldien wurdt. Deputearre Steaten hawwe dy ferklearring yn septimber 2018 ôfjûn.
It beslút fan de gemeenteried om net yn te stimmen mei de sânwinning hat begjin 2019 laat ta inbreuk yn de koälysje fan De Fryske Marren. Mar no't de gemeenteried gjin tastimming jûn hat, is de ferklearring fan de provinsje oerstallich wurden. De gemeente hat dêrom ferline jier oan de provinsje Fryslân frege om him yn te lûken. De Steatefraksje fan de FNP wol no fan it kolleezje witte oft dat al bard is.
Frysk 
Nederlands
English
