NIJS   27-09-2019

FNP: aksje fan Provinsje yn De Haach tsjin ferhierdersheffing

Hierders twa kear de dupe

Yn 2016 moasten de korporaasjes 1,5 miljard euro betelje oan it Ryk oan ferhierdersheffing. Dit rint op nei 2,5 miljard euro yn 2020. De FNP wol witte hoefolle jild der fanút Fryslân wei nei De Haach brocht wurd en dêrtroch net te ‘n goede komt oan de urginte opjeften yn Fryslân. Tink bygelyks oan de ferduorsuming fan huzen, it opknappen fan wennings tsjin de ferpaupering en it leefber hâlden fan it plattelân. Wurdfierder wenjen en leefberens Sijbe Knol: ‘De hierders binne no twa kear de dupe. Troch de heffing is de hier al heger, mar ek de enerzjykosten sille nei alle gedachten mear stiigje'.

Brânbrief

De FNP ropt de provinsje op om in brânbrief nei De Haach te stjoeren en dêrby op te arbeidzjen mei de oare provinsjes binnen it ferbân fan it Ynterprovinsjaal Oerlis (IPO)  en ek mei de gemeenten fia de Feriening fan Nederlânske Gemeenten (VNG). Sa kinne wy ien sterk lûd yn De Haach hearre litte.

MEAR OER DIT ÛNDERWERP

13-03-2023 - Op besite by de Molkfabryk yn Burgum

10-03-2023 - Easterein, wêr it Frysk, de kultuer en it mienskipsgefoel dúdlik nei foaren komt

08-03-2023 - Op besite by Pleatslik Belang – Wurkgroep geWOON yn Surhuzum