NIJS   23-09-2019

FNP stelt fragen oer feilichheid brêgen yn Fryslân

Wurdfierder Lanlik Gebiet, Natuer en Lânbou Wopke Veenstra: ‘Der binne by de steuring minsken oer de autodyk, troch it akwadukt yn de Sintrale As fytst, dat wie libbensgefaarlik.' De FNP wol fan it Kolleezje fan Deputearre Steaten witte wat der oan dien wurdt om sokke situaasjes yn de takomst foar te kommen.

Feilichheid fan op ôfstân betsjinbere brêgen
Wopke Veenstra: ‘By de oerdracht fan it Prinses Margrietkanaal nei Rykswettersteat waard tasein dat der in evaluaasje komme soe oer de betsjinning. Neffens ús hat dy nea plak fûn, mar mei it each op de problemen fan dizze simmer liket it ús needsaaklik dat dy evaluaasje no sa gau mooglik komt.' De FNP wiist dêrnjonken op in rapport fan de Onderzoeksraad voor Veiligheid oer op ôfstân betsjinbere brêgen yn Nederlân. De FNP fraksje hat noed oer de feilichheid en wol fan it Kolleezje witte oft de knyppunten dy't yn it rapport neamd wurde ek foar brêgen yn Fryslân jilde.

Foto: De Vries Media 

MEAR OER DIT ÛNDERWERP

13-03-2023 - Op besite by de Molkfabryk yn Burgum

10-03-2023 - Easterein, wêr it Frysk, de kultuer en it mienskipsgefoel dúdlik nei foaren komt

08-03-2023 - Op besite by Pleatslik Belang – Wurkgroep geWOON yn Surhuzum

02-05-2023 - Partijen hawwe fraachtekens by sânwinning Iselmar